ياناس طفشت من السبامز. كل ما تركت موقعي دقيقة ورجعت القى السبامز على الباب! لا من زين الشطارة بعض..قصدي بعد، صرت وش أسوي، قبل ما أحذف السبام، انسخ كلماته في مربع حظر المناقشات عشان ما ترجع. والله اكتشفت بعدين أني كاتب لستة محترمة، مدري كم كلمة كتبت. قالك الحين كتبت كل الكلمات اللي تجي ( و مرات ما ماتجي!) على البال. ما دريت طلعولي بكلمات و لا يجيبها أكبر قاموس. والله الصدق ماهي كلمات، إلا خرابيط. واحد fhgkkkd و الثاني mkgjfjfkd وخذلك طقطقة على الكيبورد و عينك ما تشوف النور.

بس الظاهر أني لقيت الحل. كنت قاعد اقرا آخر مواضيع الأستاذ المبدع فؤاد الفرحان
و توني انتبه آخر الموقع، تحت، فيه بار حق Plugin اسمه Spam Karma 2 و مكتوب أنه منع 213 سبام من الموقع!
قلت ياولد دام أن الأستاذ فؤاد بزاتو مستخدم البرنامج ، لازم يكون كذا (صورة يد مضمومة و أصبع الإبهام مرفوع للإعلى).بس بعد ما دخلت موقع البرنامج و شفت كم منع سبام….جلست اطنطن “~ سلملي عى السبامز ~”. منع برنامج Spam Karma 2 أكثر من 120 ألف سبام من بلوقه! و أنا مسوي فيها كاتب أكبر لستة كلمات في العالم.

بس تصدقون، حسيت أني قوي. بعد ما ركبته، لقيت في صحة ..قصدي صفخة..ياربي قصدي صفحة إعدادات البرنامج كم سبام حذفته من الموقع، تدرون كم، 2391 سبام. وأنا أقول ليه صاير أطوّل على النت. خيارات لوحة تحكم البرنامج تعطيك أنه احترافي بحت، منها التأكد من المستخدمين و الحماية من سبامز الجافا سكربت و مستكشف للـ html. أقول مع السلامة للسبامز؟ نشوف الأيام الجاية. وأقول حالياً:

إذا كانت فيه أي أخطاء مطبعية أعذروني لأني ما فاضي و أبي أنام. تصبحون على خير.

تحديث:
بعد ثلاثة أيام فقط، SK2 مسك 175 سبام! ياسلالالام

مواضيع عشوائية:

• شارك في فيديو لنشر ثقافة التدوين
• رشح مدونة مكتبتي الإلكترونية 2.0 لجائزة دويتشه فيله
• برنامج نبض المجتمع و الموهوبون
• Untiny على GreaseMonkey و Ubiquity
• نصائح لكتابة أفضل

هذا الموضوع كتب في الأثنين, أغسطس 21st, 2006 في الساعة 11:13 am في قسم برامج, تدوين. يمكنك متابعة الردود على هذا الموضوع من خلال ملف الخلاصات RSS 2.0. تستطيع كتابة رد أو تعقيب من خلال موقعك.